शासन निर्णय

राज्यातील विमुक्त जाती व भटक्या जमातींमधील वडार या समाजाची सामाजिक व आर्थिक उन्नती व्हावी यासाठी सध्या कार्यरत असलेल्या वसंतराव नाईक विमुक्त जाती व भटक्या जमाती विकास महामंडळांतर्गत राज्यातील वडार समाजाच्या सामाजिक व आर्थिक विकासासाठी पैलवान कै. मारुती चव्‍हाण-वडार आर्थिक विकास महामंडळ (उपकंपनी) स्थापन करण्यास शासन निर्णय क्रमांकः महाम-२०२३/प्र.क्र.२२/महामंडळे, दिनांक ०९ ऑगस्‍ट, २०२३ अन्‍वये मान्‍यता देण्‍यात आली आहे. सदरचे महामंडळ ” पैलवान कै. मारुती चव्‍हाण-वडार आर्थिक विकास महामंडळास (वसंतराव नाईक विमुक्त जाती व भटक्या जमाती विकास महामंडळाची उपकंपनी)” या नावाने संबोधले जाईल. सदर उपकंपनीचे कामकाज हे वसंतराव नाईक विमुक्त जाती व भटक्या जमाती विकास महामंडळाकडून चालविण्यात येईल.